— സി. പി. കവാഫി ശരീരമേ, ഓർമ്മിക്കുക. എത്ര നീ പ്രേമിക്കപ്പെട്ടു
എന്നുമാത്രമല്ല, എത്ര കിടപ്പറകളിൽ കിടന്നു
എന്നതു മാത്രമല്ല. നിന്നെ നോക്കിയ കണ്ണുകളിൽ
തിളങ്ങിയ, ശബ്ദത്തിന്റെ ഇടർച്ചയിലറിഞ്ഞ
എന്നാൽ ചില തടസ്സങ്ങളാൽ അവസരമില്ലാതെ
നഷ്ടമായ കാമാഭിലാഷങ്ങളോർത്താലും.
ഇപ്പോഴതെല്ലാം കഴിഞ്ഞ കാലത്തിൽ
അടയ്ക്കപ്പെട്ടിരിക്കുന്നു.
ആ മോഹങ്ങൾക്കെല്ലാം നീ ഏറെക്കുറെ
വഴങ്ങിയെന്നു തോന്നുന്നു.
ശരീരമേ, ഓർമ്മിക്കുക. നിന്നെ നോക്കിയ
കണ്ണുകളിലതെങ്ങനെ തിളങ്ങിയെന്ന്,
നിനക്കായുള്ള മൊഴികളിൽ അതെങ്ങനെ
ഇടറിയെന്ന്. ശരീരമേ, ഓർമ്മിക്കുക.
എന്നുമാത്രമല്ല, എത്ര കിടപ്പറകളിൽ കിടന്നു
എന്നതു മാത്രമല്ല. നിന്നെ നോക്കിയ കണ്ണുകളിൽ
തിളങ്ങിയ, ശബ്ദത്തിന്റെ ഇടർച്ചയിലറിഞ്ഞ
എന്നാൽ ചില തടസ്സങ്ങളാൽ അവസരമില്ലാതെ
നഷ്ടമായ കാമാഭിലാഷങ്ങളോർത്താലും.
ഇപ്പോഴതെല്ലാം കഴിഞ്ഞ കാലത്തിൽ
അടയ്ക്കപ്പെട്ടിരിക്കുന്നു.
ആ മോഹങ്ങൾക്കെല്ലാം നീ ഏറെക്കുറെ
വഴങ്ങിയെന്നു തോന്നുന്നു.
ശരീരമേ, ഓർമ്മിക്കുക. നിന്നെ നോക്കിയ
കണ്ണുകളിലതെങ്ങനെ തിളങ്ങിയെന്ന്,
നിനക്കായുള്ള മൊഴികളിൽ അതെങ്ങനെ
ഇടറിയെന്ന്. ശരീരമേ, ഓർമ്മിക്കുക.
'Body, Remember' by C.P. Cavafy
സി. പി. കവാഫി (1863-1933): ഗ്രീക്ക് കവി. ഈജിപ്തിലെ അലക്‌സാൻഡ്രിയയിൽ 1863 ഏപ്രിൽ 29നായിരുന്നു കോൺസ്റ്റാന്റിൻ പീറ്റർ കവാഫിയുടെ ജനനം. ഒമ്പത് മുതൽ പതിനാറാം വയസ്സ് വരെ ഇംഗ്ലണ്ടിൽ കഴിഞ്ഞ കവാഫി, പിന്നീട് കോൺസ്റ്റാന്റിനോപ്പിളിലും ഫ്രാൻസിലും കുറച്ചുകാലം ജീവിച്ചു. 1885ൽ അലകസാൻഡ്രിയയിൽ തിരിച്ചെത്തി. അവിടെ ജലസേചന വകുപ്പിൽ ജീവനക്കാരനായി. ഇക്കാലത്താണ് കവിതയെഴുത്തിൽ സജീവമായത്. സ്വവർഗാനുരാഗവുമായി ബന്ധപ്പെട്ട ഓർമ്മകൾ, ഗ്രീക്ക് ചരിത്രത്തിന്റെയും പുരാണത്തിന്റെയും ഭാവനാപരമായ പുനരാഖ്യാനം, സാങ്കൽപ്പിക ഭാഷണങ്ങൾ എന്നിങ്ങനെ ചരിത്രപരവും തത്വചിന്താപരവും മനഃശാസ്‌ത്രപരവുമായ പ്രമേയങ്ങളാണ് കവാഫി കവിതകളുടേത്.
